Ji bo bidestxistina pereyan û dayîna fatûreyan pêdivî bi hesabekî bankeyekê yan hesabekî posteyê heye. Ji bo kirînûfirotinê gelek kartên debît an kartên kredît hene.
Li Swîsreyê hema hemû niştecî xwediyê hesabekî ne. Mûçe yan mehaneya kesên kar dikin bi gelemperî di dawî de dişînin ser hesabê wan. Gelek banke û postexane ji bo kesan hesaban pêşkêş dikin. Vekirina hesabekî bi gelemperî belaş e. Lê piştre buhayên cihêreng li ser tên zêdekirin. Buha, faîz û xizmetên pêşkêş dikin li gor her şîrketê cihêreng in û ji ber vê fêdeya dayîna ber hev heye. Ji bo vekirina hesabekî di her rewşê de pêdiviya mirov bi pasaport an nasnameyekê heye.
Kesa/kesê hesabekî bi kar bîne, bi gelmperî ji bo karibe pere bikişîne karteke hesabê xwe distîne. Ev yek tenê li ba banka xwe derbasdar e. Banke yan postexane kartên debît jî pêşkêş dikin (wek mînak, Maestro), mirov dikare bi vê kartê li hemû otomatên bankeyan pere bikişîne û li piraniya dikanan kirînê bike. Ev kart dikarin li derveyî welêt jî werin bikaranîn. Li gor cureyê kartê buhayên cihêreng hene. Mirov dikare kartên kredîtê li ba şîrketên cihêreng bide çêkirin. Xizmetên didin û buhayên wan pir cuda ne, ji bo wê fêdeya dayîna ber hev heye. Danûstendina bi kartên debît an kartên kredîtê niha berfireh dibe.
Fatûre (Rechnungen) bi gelemperî tevî kaxeza dayînê bi riya postê yan e-mailê tên şandin. Sê riyên dayîna fatûreyê hene:
Derfetên dayîna fatûreyên domdar:
Li ser fatûreyê her dem demeke dayîna wê tê nivîsîn. Ger di wê dema diyarkirî de neyê dayîn, piştre dikare daxwaza dayîna deyn (Betreibung) were kirin
