ወሲባዊ ጥቃቶች በቀድሞ አጋሮች እና በባለትዳሮች መካከል ይከሰታሉ። ወሲባዊ ጥቃት የቤት ውስጥ የጥቃት አይነት ነው። ለፖሊስ ሪፖርት ማድረግ ይችላል። ምንም እንኳን ተጎጂው ለፖሊስ ሪፖርት ማድረግ ባይፈልግም፣ ከጥቃቱ በኋላ በፍጥነት የሕክምና ምርመራ ማድረግ አስፈላጊ ነው።
የሴቶች ክሊኒክ ወይም የባዝል የዩኒቨርሲቲ ሆስፒታል የድንገተኛ ማእከል አስተማማኝ የሆኑ ሚስጥራቸው የተጠበቁ ሕክምናዎችን ያካሂዳል።
ለተጎጂዎች የምክር አገልግሎት ስጪ ማዕከላት (Opferhilfe) የህግ እና የስነ-ልቦና ድጋፍ ሊሰጡ ይችላሉ። ለብዙ ጥያቄዎች ተገቢውን መልስ ይሰጣሉ። እዚህም ተጨማሪ ሌሎች ድጋፎችን ማግኘት ይችላሉ።
ጾታዊ ጥቃትን በሚመለከት ፖሊሶች ጥቃት ሪፖርት ሲደረግ የመቀበል እና የመመዝገብ በቂ ተሞክሮ አላቸው። ቃለ መጠይቆች የሚካሄዱት ተመሳሳይ ጾታ ባለው ሰው ነው። ቅሬታው በፖሊስ ጣቢያ ሊቀርብ ይችላል። የሚያምኑትን ሰው ወይም ከተጎጂዎች ምክር ስጪ ማዕከላት ልዩ ባለሙያ ሪፖርት ለማደረግ ይዘው መምጣት ይችላሉ።
ከስራ ሰዓታት ውጪ ፖሊስጋ በአደጋ ጊዜ ስልክ 117 ወይም 112 መደወል ይቻላል።
የካንቶኑ ፖሊስ ማህበራዊ አገልግሎት (Sozialdienst) በቤት ውስጥ እና በፆታዊ ጥቃት ላይ የተለየ ሙያዊ ዕውቀት አላቸው።
