እርግዝና / መውለድ

ከእርግዝና ወይም ወሊድ ጋር የተያያዙ የሕክምና አገልግሎቶች በመሠረታዊ ኢንሹራንስ (Grundversicherung) የተሸፈኑ ናቸው። ይህም ከመውለዱ በፊት መደበኛ ምርመራዎችን፣ በወሊድ ጊዜ እና አስፈላጊውን እንክብካቤን ከወሊድ በኋላ ያካትታል። ነፍሰ ጡር ሴቶች ገና በመጀመርያ ደረጃ ዶክተር ወይም አዋላጅ ማማከር አለባቸው። ሆስፒታሎች እና አዋላጆችም የወሊድ ዝግጅት ኮርሶችን ይሰጣሉ (Geburtsvorbereitungskurse)። ለስደተኞች ልዩ ኮርሶች አሉ። የማዋለድ ሂደቱ በሆስፒታል ውስጥ፣ በወሊድ ማእከል ወይም በቤት ውስጥ ሊከናወን ይችላል።

በስዊዘርላንድ ውስጥ ወላጆች ከወሊድ በኋላ ምክር መፈለግ የተለመደ ነው። ለዛ ነው የወላጆች ምክር መስጫ ጣብያ (Elternberatungsstelle) ያለው። ይህ ስለ ሕፃኑ እድገት፣ አመጋገብ እና እንክብካቤ መረጃ ይሰጣል። የሚሰጡት የምክር አገልግሎቶች ነፃ ናቸው። ሐኪሙ ወይም አዋላጅ ለእናቲቱ እና ለህፃኑ አስፈላጊ የሆኑትን የክትትል ምርመራዎች ያሳውቅዎታል። ህጻኑ ከተወለደ ከሶስት ወር ባልበለጠ ጊዜ ውስጥ (መሠረታዊ ኢንሹራንስ, የአደጋ መድን ኢንሹራንስ ) ለህመም እና ለአደጋዎች ዋስትና መግባት በጣም አስፈላጊ ነው ። ከመውለድዎ በፊት ይህን ማድረግ ጥሩ ነው።

ህጻናት በቶሎ በጊዜ ከተወሰኑ በሽታዎች እንዲከተቡ ይመከራል። ይሁን እንጂ ክትባቶች አስገዳጅ አይደሉም። ለታዘዙት ክትባቶች ወጪዎች ብዙውን ጊዜ በመሠረታዊ ኢንሹራንስ ይሸፈናሉ። የሕፃናት ሐኪም ወይም የወላጅ ምክር ማእከል ክትባቶችን በሚመለከት መረጃ ይሰጣሉ።

በስዊዘርላንድ በመጀመሪያዎቹ 3 ወራት እርግዝና ፅንስ ማስወረድ ይፈቀዳል። ከ12 ኛው ሳምንት እርግዝና በኋላ ፅንስ ማስወረድ የሚቻለው የሴቲቱ አካላዊ እና / ወይም አእምሮአዊ ጤንነት አደጋ ላይ ከሆነ ብቻ ነው። ሐኪሙ ይህንን አደጋ እንዳለ መገምገም አለበት። ፅንስ ማስወረድ የሚያስብ ማንኛውም ሰው ነፃ ምክር የማግኘት መብት አለው። ከ16 ዓመት በታች የሆኑ ወጣት ሴቶች ልዩ የምክር አገልግሎት ማእከልን ማነጋገር አለባቸው። የሁሉም የሕክምና አገልግሎቶች ወጪዎች በመሠረታዊ ኢንሹራንስ ይሸፈናሉ።