Shtatzënia / lindja

Shërbimet mjekësore në lidhje me shtatzëninë ose lindjen mbulohen nga sigurimi shëndetësor bazë (Grundversicherung). Këtu bëjnë pjesë kontrollet e rregullta para lindjes, lindja vetë dhe përkujdesja e nevojshme më pas. Gratë shtatzëna duhet t`i drejtohen me kohë një mjeke, mjeku apo mamie. Spitalet dhe mamitë ofrojnë kurse përgatitjeje për lindjen (Geburtsvorbereitungskurse). Ka kurse speciale për migrante dhe migrantë. Lindja mund të bëhet në spital, në një shtëpi lindjeje apo te shtëpia.

Është e zakonshme në Zvicër, që prindërit të këshillohen pas lindjes. Për këtë ekziston këshillimorja për prindërit (Elternberatungsstelle). Kjo jep informacione për zhvillimin, ushqimin dhe përkujdesjen e foshnjës. Këshillimet janë falas. Mjeku, mjekja apo mamia informojnë për kontrollet e mëpasshme, që janë të nevojshme për nënën dhe foshnjën. Është shumë e rëndësishme, që fëmija më së voni tre muaj pas lindjes të sigurohet kundër sëmundjeve dhe aksidentit (sigurimi bazë, sigurimi për aksident). Më së miri është kjo të bëhet tashme para lindjes.

Rekomandohet, që fëmijët të vaksinohen me kohë kundër disa sëmundjeve. Sado, vaksinimet nuk janë të detyrueshme. Shpenzimet për vaksinimet e rekomanduara normalisht i merr përsipër sigurimi bazë. Pediatrja, pediatri apo këshillimorja për prindër japin informacione për vaksinat.

Në Zvicër, ndërprerja e shtatzënisë lejohet në tre muajt e parë të shtatzënisë. Pas kalimit të javës së 12 të shtatzënisë, një abort është vetëm i mundur, nëse rrezikohet shëndeti fizik dhe/apo psikik i gruas. Këtë duhet ta vlerësojë një mjeke apo mjek. Kush mendon për një ndërprerje të shtatzënësisë, ka të drejtë për një këshillim falas. Gra të reja nën 16 vjeç duhet t'i drejtohen një këshillimoreje e specializuar. Shpenzimet për të gjitha shërbimet mjekësore mbulohen prej sigurimit bazë.