Të mësosh gjermanisht

Ka kurse të ndryshme gjermanishte. Për shembull:

• Kur keni fëmijë të vegjël, ju ndiqni një kurs me kujdestari fëmijësh.
• Ndoshta akoma nuk i njihni shkronjat latine ose keni probleme me leximin dhe shkrimin. Atëherë ju ndiqni një kurs alfabetizimi (Alphabetisierungskurs).

Këtu mund të informoheni, se ç' kurse ekzistojnë dhe sa kushtojnë kurset:

• Zyra e specializuar e arsimimit të të rriturve (Fachstelle Erwachsenenbildung)
• GGG Migration

Në ç' nivel një njeri flet gjermanisht, kjo mund të matet me "Kornizën e përbashkët evropiane të referencës". Shkurtimi për te është GER. GER është një matës për gjuhën dhe ka 6 nivele: A1, A2, B1, B2, C1 und C2. Kur keni arritur nivelin A1 ose A2, keni njohuri bazë në gjermanisht. Kur arrini nivelin C1 ose C2, ju keni përparuar shumë.

• Ju dëshironi të bëni një formim profesional, që njihet në Zvicër? Atëherë ju duhet niveli B1 ose B2.
• Kur dëshironi të studioni në një universitet, ju duhet niveli C1 ose C2.

Ju keni ardhur tani me shtëpi në Basel dhe merrni një leje qëndrimi B? Atëherë merrni një kupon për një kurs gjermanishte. Ju mund të ndiqni 80 leksione falas. Ju mund ta këmbeni kuponin në një shkollë gjuhësore, e cila është e licencuar nga kantoni. Kuponi vlen për 12 muaj pas hyrjes suaj.

Ju dëshironi të bëni një kurs gjermanishte më vonë? Atëherë duhet të paguani për të. Kurset kanë çmime të ndryshme. Ia vlen t'i krahasoni ofertat. Kantoni Basel-Stadt mbështet disa kurse me një shumë financiare. Për këta kurse paguani më pak.