Shtazët shtëpiake

Kush jeton në një banesë me qira, në çdo rast lejohet të mbajë kafshë të vogla, si derra Indie, brejtës, kanarina apo peshq. Mirëpo mund të jetë, që mbajtja e kafshëve më të mëdha (edhe macet apo qentë e vegjël) janë të ndaluar në kontratën e qirasë. Edhe shtazët, që shkaktojnë zhurmë apo janë të rrezikshme, mundet t`i ndalojë qiradhënësi ose qiradhënësja. Përveç kësaj, mbajtëset dhe mbajtësit e shtazëve duhet ta respektojnë ligjin për mbrojtjen e kafshëve. Nuk lejohet për shembull, që nga species të caktuara të mbahet një shtazë e vetme (p.sh. lepujt e butë). Po ashtu, madhësia e kafazit dhe pajisja e tij janë të përcaktuar. Shumë shtazë (shtazë ekzotike) nuk lejohen fare të sillen në Zvicër. Për disa të tjera nevojitet një leje speciale nga autoriteti veterinar.

Në kantonin e Basel-Stadt ka një ligj të posaçëm për qentë. Aty është e përcaktuar, se çfarë detyrash kanë mbajtëset dhe mbajtësit e qenve. Më shumë informacione mund të japë veterineri apo veterinerja.

• Të gjithë qentë në Zvicër duhet të shënjohen me një mikroçip dhe të regjistrohen në një bazë të dhënash. Qeni merr një letërnjoftim qeni (format i kartës për kredi). Ky nuk është identik me letërnjoftimin shtëpiak për shtazë, i cili nevojitet, nëse dikush dëshiron të udhëtojë me shtazën në vendet e unionit evropian.
• Qentë duhet të regjistrohen tek kantoni. Ka një formular onlajn për këtë punë. Çdo vit kërkohen tarifa. Duhet të lidhet një kontratë për sigurim të detyrueshëm të përgjegjësisë ndaj palëve të treta (Haftpflichtversicherung) për mbajtjen e çdo qeni.
• Të gjithë mbajtësit dhe mbajtëset e qenve duhet ta mbledhin dhe ta heqin jashtëqitjen e qenit të tyre. Kush nuk e bën këtë punë, mund të marrë një dënim.
• Për disa raca qensh nevojitet një leje e posaçme (p.sh. Pitbull apo Rottweiler).
• Ndalohet në përgjithësi hyrja e qenve në parqet e qytetit dhe në kënd lojërat e fëmijëve. Në hartën onlajn "Mapserver" të kantonit janë të shënjuar zonat për lëvizje të lirë të qenve si dhe vende për banjë të qenve.