Sistemi Arsimor

Në Zvicër ka tri niveleve arsimi, që bazohen mbi njëri-tjetri:

• Shkolla obligative (Volksschule: Kindergarten, Primarschule und Sekundarstufe I)
• Arsimimi bazë për profesion apo shkollat e mesme (Sekundarstufe II)
• Shkollat e larta profesionale/universitetet dhe arsimimi i lartë profesional (Tertiärstufe)

Zyrat shtetërore merren me arsimimin profesional: Konfederata, kantonet dhe komunat ndajnë detyrat dhe përgjegjësinë. Prandaj nëpër kantonet ka shkolla të ndryshme dhe sisteme të ndryshme shkollore.

Shkolla e detyruar në kantonin Basel-Stadt zgjat 11 vjet. Kjo do të thotë: Fëmijët duhet të ndjekin shkollën për 11 vjet. Koha e shkollës fillon, kur fëmija është 4 vjeç. Nëse fëmija juaj nuk mund të shkojë në shkollë, ju duhet të kërkoni ndjesë për fëmijën. Kur fëmijët nuk shkojnë në shkollë pa kërkesë për ndjesë, prindërit mund të gjobiten.

Fëmijët deri në 16 vjeç, që vijnë me shtëpi në Basel, kanë të drejtë të hyjnë në shkollën obligative. Të rinjtë që nga mosha 16 vjeçe, që vijnë me shtëpi në Basel, mund të shkojnë te Qendra e Informacionit të karrierës (Berufsinformationszentrum, BIZ). BIZ-ja informohen, se çfarë profesionesh dhe arsimimesh profesionale mund të bëjnë adoleshentët.

Pas shkollës të detyruar gati të gjithë të rinjtë kryejnë një arsimim profesional. Një numër shumë i madh adoleshentësh vendosin për një arsimim profesional bazë (formim profesional, Berufslehre). Me këtë formim, ata më vonë mund të ndjekin arsimimin profesional të lartë (höhere Berufsbildung). Përgjatë ose pas formimit profesional, të rinjtë mund të bëjnë një maturë profesioni (Berufsmaturität). Me të ata mund të ndjekin më vonë një shkollë të lartë profesionale (Fachhochschule). Përafërsisht 20 për qind e të rinjve bëjnë një maturë në gjimnaz (maturë gjimnazi, gymnasiale Maturität). Me të adoleshentët lejohen të studiojnë në universitet.

Ka bursa (Stipendien) për persona me pak para, me qëllim që të mund të ndjekin një shkollë të mëtejshme apo të bëjnë një arsimim profesional. Pastaj pas shollës së detyruar, këta persona fitojnë para për një arsimim profesional. Edhe nëse vini nga një shtet tjetër dhe banoni në Basel-Stadt, ju ndoshta mund të fitoni një bursë. Por kjo varet nga pyetja, se nga i cili shtet vini dhe sa kohë keni tashme që jetoni në Zvicër. Enti për grante në arsimim profesional (Amt für Ausbildungsbeiträge) i administratës kantonale jep informacione të mëtejshme.