Kush sëmuret apo ka një aksident, duhet të shkojë në të shumtën e rasteve së pari te një mjeke familjare ose te një mjek familjar. Te sëmundjet e lehta apo aksidentet, ndihma mund të merret edhe në barnatore. Vetëm te aksidentet vërtet të rënda duhet të shkohet direkt në spital.
Barnatoret shesin barna, për të cilat duhet detyrimisht një recetë (e lëshuar nga mjeku), si dhe të gjitha barnat e tjera. Për një sëmundje të lehtë rekomandohet, që të shkoni fillimisht në barnatore. Farmacistet dhe farmacistët janë të arsimuar mirë dhe këshillojnë klientet dhe klientët e tyre. Barnatorja për raste urgjente në adresën Petersgraben 3 është e hapur edhe natën dhe në fundjavë, kështu që edhe në raste urgjente mund të merren barna.
Në Zvicër, shumë persona kanë një mjek familjar ose një mjeke familjare (Hausarzt oder Hausärztin). Këta e njohin ecurinë personale të të sëmurit dhe është personi i parë kontaktues në problemet mjekësore. Për fëmijët ka pediatër dhe pediatre. Nëse është e nevojshme, ata i drejtojnë pacientët te mjekët specialist apo në spital. Vetëm në raste të rënda emergjente duhet shkuar direkt në spital. Për të gjitha emergjencat e tjera jashtë orarit të punës të ordinancave përgjigjet qendra e thirrjeve urgjente mjekësore (Medizinische Notrufzentrale, MNZ). Ajo është mund të kontaktohet 24 orë në ditë në numrin 061 261 15 15. Për urgjenca me fëmijë dhe adoleshentë jashtë orareve të ordinancave pediatrike mund të telefonohet Medgate Kids Line me numrin e telefonit 0900 11 44 11, telefonatë e cila kushton.
Medizinische Notfallzentrale MNZ / Më shumë informacione dhe kontakti (DE)
Universitäts-Kinderspital beider Basel UKBB / Urgjencë (DE)
Medgate Kids Line / Numri me obligim pagese për urgjenca me fëmijë dhe adoleshentë (DE)
Universitäts-Kinderspital beider Basel UKBB / Leksiku për prindërit (DE)
Mjekimet e dhëmbëve normalisht duhet të paguhen vetë. Mirëpo ekziston mundësia të lidhet kontratë për një sigurim shtesë, që i mbulon trajtimet e dhëmbëve. Fëmijët, që shkojnë në shkollë, kanë të drejtën për një kontroll të dhëmbëve në vit. Informacione për këtë jep shkolla.
Kur dikush duhet të shtrihet në spital (Spital), ai lajmërohet atje në shumicën e rasteve nga një mjeke apo mjek. Përjashtim bëjnë aksidentet e rënda, ku është nevoja të shkohet direkt në repartin e rasteve emergjente. Nëse situata është kërcënuese për jetën apo nëse pacienti ka nevojë për transport, duhet të telefonohet numri emergjent 144. Mjekja apo mjeku familjar merr përsipër rastet më pak të rënda.
Të sëmurit apo nevojtarët për përkujdesje, të cilëve iu duhet mbështetje në shtëpi, munden t`i marrin shërbimet e përkujdesjes ndaj të sëmurëve jashtë spitalit (Spitex). Personeli i kualifikuar i viziton pacientet dhe pacientët në shtëpi për të përkujdesur për ta apo për t'iu ndihmuar në punët e shtëpisë. Kjo ofertë iu drejtohet personave, që kanë nevojë për mbështetje për shkak të sëmundjes, aksidentit, ankesat e pleqërisë, komplikimet në shtatzënësi apo pas lindjes. Shpenzimet mbulohen pjesërisht nga sigurimi bazë (Grundversicherung). Përveç Spitex Basel ka një numër të madh ofruesish privatë për Spitex.
