Oraret e punës / ditët festive

Festat zyrtare janë të rregulluara në ligjin mbi punën dhe ligjërisht kanë të njëjtin rang si ditët e diela. Data një gusht (dita festive nacionale) është festë zyrtare në të gjithë Zvicrën, që është e përcaktuar me ligj. Gjithashtu çdo kanton mundet të përcaktojë edhe festa të tjera zyrtare. Në kantonin Basel-Stadt këto ditë janë festa zyrtare: Viti i ri (1 janar), e premtja e zeze (e premtja para pashkëve), pashkët, dita e punës (1 maj), ngritja në qiell (e enjte 40 ditë pas të dielës së pashkëve), festa e rrëshajave, festa nacionale (1. gusht), Krishtlindjet (25 dhjetor), dita e Stefanit (26 dhjetor).

Oraret e punës në dyqanet janë kantonalisht të ndryshme. Në kantonin Basel-Stadt dyqanet lejohen të hapen të hënën deri të premten nga ora 6:00 deri në orën 20:00. Sado, oraret mund të ndryshojnë në varësi të dyqanit dhe mund të jenë më të shkurtra. Të shtunën shumica e shitoreve mbyllet më herët se përgjatë javës; shpesh herë në orën 18:00. Të dielën shumica e dyqaneve është e mbyllur. Përjashtim bëjnë dyqanet në stacionet e trenave, në pikat e karburantit ose dyqane lagjesh, që normalisht janë të hapura 7 ditë dhe në të shumtën e rasteve hapen më herët dhe mbyllen më vonë se të tjerat.

Administrata kantonale normalisht është e hapur prej të hënës deri të premten nga ora 8:00 deri 12.00 dhe nga ora 14.00 deri 17.00. Disa zyra hapen pasdite tashme prej orës 13:30 apo mund të kontaktohen më gjatë me telefon. Rekomandohet të njoftoheni më parë përmes internetit apo telefonit për orarin e punës së sporteleve.