Fqinjët

Në disa godina apo lagje fqinjat dhe fqinjët kanë kontakt të ngushtë me njëri tjetrin (me festa etj.). Në vende të tjera kjo është më pak e zakonshme. Kush vendoset këtu me shtëpi, mund të prezantohet me patjetër personalisht, kjo është goxha e përhapur në kantonin e Basel-Stadt. Nëse fqinjët nuk duan kontakt, nuk do të thotë, që kjo ka të bëjë me qiramarrëset apo qiramarrësit e rinj. Prandaj thjesht duhet të përqendroheni në një miqësi të banimit pranë njëri-tjetrit. Ka mundësi të tjera për të rënë në kontakt me banorët lokal, p.sh. në shoqata.

Gati çdo godinë, në të cilat banojnë disa qiramarrës apo pronarë banesash, ka një rregullore shtëpiake (Hausordnung). Kjo rregullore dorëzohet shpesh me kontratën e qirasë. Aty përcaktohen rregullat për jetën e përbashkët dhe shfrytëzimin e hapësirës së përbashkët, siç është dhoma e larjes së rrobave. Në Zvicër i jepet shumë rëndësi zbatimit të rregullores shtëpiake. Kjo prek para së gjithash periudhat e qetësisë, këto madje janë të rregulluar pjesërisht me ligj.

Nëse persona të tjerë në godinë nuk i përmbahen rregullores shtëpiake dhe dikush ndihet i penguar, rekomandohet së pari, që të kërkohet biseda me personin përkatës. Nëse kjo nuk ndihmon, ju mund t'i drejtoheni qiradhënësit apo administratorit të godinës. Në raste të rënda ju mund të njoftoni edhe policinë (telefoni 117). Policia duhet të thirret me patjetër, kur bëheni dëshmitar i dhunës në një banesë tjetër dhe shqetësoheni për mirëqenien e fqinjave apo fqinjëve.