ወላጅ መሆን

ለእናቶችና ለአባቶች ተብለው የተዘጋጁ ብዙ አቅርቦቶች አሉ። እዚህ ከሌሎች ወላጆች ጋር መነጋገር ወይም ከልጆችዎ ጋር በአንድ ላይ አንድ ነገር ማድረግ ይችላሉ።

• ዳዴ የሚሉ የሕጻናት ግሩፖች (Krabbelgruppen) ለሕጻናቶች እና ዕድሜያቸው እስከ 2 ኣመት ድረስ ለሆኑ ለትንሽ ልጆች ናቸው። በዛውም ከሌሎች ወላጆች ጋር እንዲተዋውቁ ያስችሎታል።
• የወላጆች እና የልጆች ጅምናስቲክ (MuKi-ጅምናስቲክ፣ VaKi-ጅምናስቲክ ወይም ElKi-ጅምናስቲክ) ፣ ወላጆች ከትንሽ ልጆች ጋር ነው። እርስዎም አብረው መጫወት፣ መንቀሳቀስ እና መዝናናት ይችላሉ። ብዙዎቹ ኮምዩኖች የጅምናስቲክ አቅርቦት አላቸው።
• የመኖሪያዎ የመገናኛ ማዕከለት (Quartiertreffpunkte) ብዙ የተለያዩ ፕሮግራሞች ለወላጆችና ለልጆች አሏቸው።
• ቤተ መጻህፍት እና ቤተ አሻንጉሊት ለትናንሾች እና ለትላልቅ ልጆች እንዲሁም ለወላጆች ብዙ አቅርቦቶች አሏቸው።

በBasel-Stadt በተለያዩ ርዕሰ ጉዳዮች ላይ ለወላጆች የሚሰጡ ኮርሶች አሉ። ለስደተኞችም እንዲሁ የተለዩ ኮርሶች አሉ። ለምሳሌ ያህል ስለ ስዊዘርላንድ የትምህርት ስርዓት እና እንዲሁም በሌላ ቋንቋ የሚሰጡ ኮርሶችም አሉ።

ስለ ልጆችዎ ትምህርት ጥያቄዎች ካለዎት፣ ብዙ የተለያዩ የምክር አገልግሎት ጽ/ቤቶች ያግዝዎታል።

ለምሳሌ ያህል የሕጻናቶች እና ዕድሜያቸው እስከ 5 ዓመት የደረሱ ትናንሽ ልጆች በሚመለከት ወደ የወላጆች የምክር አገልግሎት ቢሮ (Elternberatung) ይሂዱ።

አስቸኳይ ጥያቄዎች ካሉዎት ወደ የወላጆች የአደጋ ጊዜ ስልክ ቁጥር መደወል ይችላሉ። እዛም ከባለሙያዎች የምክር አገልግሎት ያገኛሉ። በሚደውሉበት ግዜ መደበኛ የቤት ስልክ ክፍያ ነው የሚከፍሉት። ቴለፎን፣ 0848 35 45 55 ይደውሉ ወይም በኢ-ሜል ይጻፉ። አድራሻውን በ www.elternnotruf.ch. ድረ ገጽ ላይ ያገኛሉ።