ወግዓዊ ምዝገባ
ኩሎም ኣብ Kanton Basel-Stadt ሓደስቲ ዝኾኑ ሰባት ኣብ ውሽጢ 14 መዓልታት ኣብ ቤት ጽሕፈት ምዝገባ ነበርቲ ኣብቲ ዝነብሩሉ ቦታ (Basel፡ Riehen ወይ Bettingen) ክምዝገቡ ኣለዎም።
ካብ ስዊዘርላንድ ወይ ካብ ናይ ሕብረት ኤውሮጳ ሃገር ወይ ናይ EFTA ሃገር ኢኻ፤ ወይ ብጽሑፍ፡ ብመንገዲ E-Moving CH ወይ ብኣካል ኣብ ቤት ጽሕፈት ምዝገባ ነበርቲ Basel-Stadt፡ ኣብ Riehen ወይ Bettingen ክትምዝገቡ ትኽእሉ ኢኹም።
ካብ ሃገር ሕብረት ኤውሮጳ ወይ ካብ ሃገር EFTA ኣይኮንካን፤ በጃኹም ናብቲ ኣብ ማእከል ዓማዊል ስፒገልሆፍ ዝርከብ ቤት ጽሕፈት ምዝገባ ነበርቲ (Einwohneramt) ምጹ። ኣብኡ ድማ ባዮሜትሪክ ዳታኹም ክንእክብ ኣለና። ንምምዝጋብ ክፍሊት ክትከፍል ኣለካ።
እዚ ኣድራሻ እዚ እዩ፤
Kundenzentrum Spiegelhof
Spiegelgasse 6
4001 Basel
Tel. 061 267 70 60
ንምምዝጋብ እንታይ የድልየኩም?
ብኽብረትኩም ኣቐዲምኩም ኣየኖት ሰነዳት ሒዝኩም ክትከዱ ከምዘለኩም ፍለጡ። እቲ ሰነዳት ብቋንቋ ጀርመን፡ ፈረንሳ፡ ጣልያን ወይ እንግሊዝኛ ክኸውን ኣለዎ።
ብርግጽ እዞም ሰነዳት የድልዩኻ እዮም፤
- ቅጥዒ ምዝገባ (Anmeldeformular)። ኣቐዲምካ ነቲ ናይ ምዝገባ ቅጥዒ ክትመልኦ ኣለካ።
- ሕብራዊ ቅዳሕ ናይቲ ሕጋዊ ፓስፖርትካ ወይ መለለዪ ካርድካ (ን EU/EFTA)
- ቅዳሕ ናይ ክራይ ውዕል ወይ መንበሪ ፍቓድካ
እዞም ሰነዳት እዚኦም እውን ከድልዩኻ ይኽእሉ እዮም፤ - ቪዛ
- ምውሳድ ናይ ስራሕ ውዕል
- መግለጺ መዝገብ ገበን
- ናይ መርዓ ምስክር ወረቐት
- ምናልባት ካብዚ ንላዕሊ ክኸውን ይኽእል
ኣብ ውሽጢ ካንቶን እንተተሰጋጊርኩም ወይ ካብ ካንቶን Basel-Stadt እንተወጺእኩም፡ ነዚ ናብ ቤት ጽሕፈት ምዝገባ ነበርቲ እውን ክትሕብሩ ኣለኩም።
ካብ ናይ ሕብረት ኤውሮጳ ሃገር ወይ ናይ EFTA ሃገር ዘይኮንካ ግን ድሮ ኣብ ስዊዘርላንድ ትነብር ኣለኻ፤ ካንቶናት ትቕይሩ እንተኾይንኩም ቅድሚ ናብ ካንቶን Basel-Stadt ምግዓዝኩም ፍቓድ ቤት ጽሕፈት ስደት ውሰዱ። ምዝገባ ድሕሪኡ ጥራይ እዩ ዝከኣል።
