ዘይብቕዓት

መድሕን ስንክልና (IV) ናይ መንግስቲ ትካል እዩ። መብዛሕትኦም ዓበይቲ ሰባት ነዚ ኣበርክቶ ክኸፍሉ ኣለዎም። ንሰራሕተኛታት፡ እቲ ኣበርክቶ ብቐጥታ ካብ ወርሓዊ ደሞዞም ይቑረጽ፡ ኣስራሒ ድማ ፍርቂ ይኸፍል። ባዕሎም ዝሰርሑ ወይ ስራሕ ዘይብሎም ሰባት ኣብ ቤት ጽሕፈት ካሕሳ (Ausgleichskasse) ብኸመይ ኣበርክቶኦም ክኸፍሉ ከምዘለዎም ክሓቱ ይግባእ።

ክሰርሑ ዘይክእሉ ወይ ብውሑዱ ንሓደ ዓመት ብጥዕናዊ ምኽንያት (ኣካላዊ ወይ ኣእምሮኣዊ) ብኽፋል ግዜ ጥራይ ክሰርሑ ዝኽእሉ ሰባት ካብ IV ደገፍ ክረኽቡ መሰል ኣለዎም። እቲ IV ነቲ ደገፍ ብመልክዕ ወርሓዊ ጡረታ ይኸፍሎ። እዚ ግን እቲ መድሕን ዘለዎ ሰብ ብሰንኪ ስንክልናኡ ድሕሪ ደጊም ኣብ ናይ ስራሕ ህይወት ክውሃሃድ ምስ ዘይክእል ጥራይ እዩ። እቲ IV ንስንኩላን ምቹእ ስራሕ ኣብ ምርካብ ይድግፍ። ካብ IV ዝመጽእ ደገፍ ኣብ ቤት ጽሕፈት ካሕሳ (Ausgleichskasse) ክሕተት ኣለዎ።

ካብ IV ደገፍ እኳ እንተተገብረሎም ክነብሩሉ ዝኽእሉ ውሑድ ገንዘብ ዘለዎም ሰባት ተወሳኺ ፋይናንሳዊ ጥቕምታት (Ergänzungsleistungen) እውን ክረኽቡ ይኽእሉ እዮም። እዚኦም ኣብ ቤት ጽሕፈት ማሕበራዊ ኣበርክቶታት ክሕተቱ ኣለዎም። መን ተወሳኺ ጥቕሚ ክረክብ ከም ዘለዎ ብንጹር ተቖጻጺሩ ኣሎ። እቲ ተወሳኺ ጥቕምታት ብከፈልቲ ግብሪ ዝምወል እዩ።