அரசியல் அமைப்பு

சுவிஸ் கூட்டாட்சி அரசு 1848 முதல் உள்ளது. இதன் தலைநகரம் பெர்ன். சுவிட்சர்லாந்தில் ஒரே மாதிரியான இனம், மொழி அல்லது மதம் இல்லை. வெவ்வேறு கலாச்சாரங்கள் தானாக முன்வந்து ஒன்றுபட்டன. அதனால்தான் "விருப்ப தேசம்" (Willensnation) என்று அழைக்கப்படுகிறது

சுவிட்சர்லாந்தில் உள்ள 26 மாநிலங்கள் மற்றும் 2000ற்கு மேற்பட்ட கிராமசபைகள் அரசியல் ரீதியாக மிகவும் சுதந்திரமானவை, இதை ஒரு கூட்டாட்சித்தத்துவம் எனலாம். ஒவ்வொரு மாநிலமும் ஒவ்வொரு கிராம சபையும் அதன் சொந்த அரசுக்கட்டமைப்பைக் கொண்டுள்ளது. Basel-Stadt மாநிலம் சொந்தமான அரசியல்அடிப்படையையும் அரசையும், ஒரு பாராளுமன்றத்தையும் ஒரு நீதிமன்றத்தையும் கொண்டிருக்கின்றது. மாநிலம் அல்லது கிராமசபையே பெரும்பாலான அரசின் நடைமுறைகளுக்குப் பொறுப்பாயுள்ளன. இதனால் உதாரணமாகப் பாடசாலை நடைமுறை மாநிலத்திற்கு மாநிலம் வித்தியாசமான முறையில் வரையறுக்கப்பட்டுள்ளன. மத்திய அரசின் சட்டங்கள் நாடு முழுவதற்கும் செல்லுபடியாகும். தவிர மாநிலத்தால் உருவாக்கப்படும் சட்டம் அம்மாநில பிரதேசத்திற்கு மட்டுமே பொருந்தக்கூடியதாக உள்ளது. கிராம சபைகளும் தங்கள் சொந்த விதிகளை வெளியிடலாம். மத்திய அரசு, மாநிலங்கள் மற்றும் கிராம சபைகள் வரிகளை வசூலிக்கின்றன, இதனால் அவர்கள் பணிகளைச் சமாளிக்க முடியும்.

அரசு அதிகாரம் ஒரு சில நபருக்கு தனிநபர்கள் அல்லது அமைப்புகளில் மட்டுமே கவனம் செலுத்தக் கூடாது. அதனால் தான் சுவிட்சர்லாந்திலும் அதன் மாநிலங்களிலும் அரசு அதிகாரம் மூன்று சுதந்திர சக்திகளுக்கு இடையே பிரிக்கப்பட்டுள்ளது. சட்டமன்றம் (சட்டத்தை உருவாக்கும் அதிகாரம்), நிர்வாகிகள் (சட்டத்தை நிர்வகிக்கும் அதிகாரம்), மற்றும் நீதித்துறை (நீதித்துறை அதிகாரம்). Basel-Stadt மாநிலத்தில் பின்வரும் நிர்வாகங்கள் இந்த செயற்பாட்டை நடைமுறைப்படுத்துகின்றன:

• சட்டமன்றம்: மேல்சபை (Grosser Rat) (100 அங்கத்தவர், நான்கு வருடங்களுக்கொரு முறை மக்களால் தெரிவு செய்யப்படுவர்)
• நிர்வாகிகள்: ஆளுனர் சபை (Regierungsrat) (7 அங்கத்தவர், நான்கு வருடங்களுக்கொருமுறை மக்களால் தெரிவு செய்யப்படுவர்)
• நீதித்துறை : மாநில அளவிலான வேறுவேறு நீதிமன்றங்கள் (Gerichte).

Basel-Stadt இல் ஒரு சிறப்பு அம்சம் உள்ளது: மேல்சபை, ஆளுனர் சபை மற்றும் Basel-Stadt மாநிலத்தின் நீதிமன்றங்கள் பாசில் நகராட்சிக்கும் பொறுப்பாகும். ரீஹென் மற்றும் பெட்டிங்கன் ஆகிய இரண்டு நகராட்சிகளும் ஒரு சட்டமன்றம் (குடியிருப்போர் கவுன்சில், Einwohnerrat) மற்றும் ஒரு நிர்வாகி (நகராட்சி மன்றம், Gemeinderat) ஆகியவற்றைக் கொண்டுள்ளன.

கூட்டாட்சி மட்டத்தில் சட்டமன்றம் இரண்டு சபைகளைக் கொண்டுள்ளது: தேசிய சபை மற்றும் மாநில சபை (Nationalrat und Ständerat). தேசிய அரசாங்கம் (7 உறுப்பினர்கள்) ஃபெடரல் கவுன்சில் அல்லது கூட்டாட்சி சபை (Bundesrat) என்று அழைக்கப்படுகிறது. அத்துடன் தேசியரீதியிலும் பல்வேறு நீதிமன்றங்கள் உள்ளன. மாநில நீதிமன்றங்களின் முடிவுகளை உதாரணமாக உச்ச அதிகாரமாக ஃபெடரல் உச்ச நீதிமன்றத்தில் மேல்முறையீடு செய்யலாம்.

சுவிஸ் மக்கள் வாக்களித்துத் தேர்ந்தெடுக்கலாம். அவர்கள் கூட்டாட்சி மட்டத்திலும், அவர்கள் நகராட்சி மற்றும் அவர்களின் மாநிலத்திலும் அரசியல் அமைப்புகளைத் தேர்ந்தெடுக்கின்றனர். அவர்கள் தங்களை தாங்களே தேர்தலிலும் நிறுத்தலாம். தவிர அரசியல் விஷயங்களில் பொதுமக்கள் வாக்கெடுப்புகளும் உள்ளன. இங்கு குடிமக்கள் நகராட்சி, மாநிலம் மற்றும் கூட்டாட்சி மட்டத்தில் முடிவுகளை எடுக்க முடியும் (நேரடி ஜனநாயகம்). குடிமக்கள் தங்கள் சொந்த திட்டங்களையும் வாக்கெடுப்புக்கு உட்படுத்தலாம். இதை செய்ய அவர்கள் பொது வாக்கெடுப்புக்கான மனு ஒன்றை துவங்க வேண்டும். Basel-Stadt மாநிலத்தில் வசிக்கும் வெளிநாட்டினருக்கு வாக்களிக்கவும் தேர்ந்தெடுக்கவும் அனுமதி இல்லை. ஆனால் அரசியல் அக்கறை இருந்தால் அவர்கள் அதிகாரிகளிடம் மனு கொடுக்கலாம். தவிர அவர்கள் ஆணையங்கள், விருப்பக் குழுக்கள் அல்லது சங்கங்களில் தங்களை ஈடுபடுத்திக் கொள்ளலாம்.

கூட்டாட்சி அரசியலமைப்பு (Bundesverfassung) சுவிட்சர்லாந்தின் உச்ச சட்டக் அடிப்படை கோட்பாடுகளைக் கொண்டுள்ளது. கூட்டாட்சி அரசியலமைப்பின் ஒரு முக்கியப் பகுதியாக அடிப்படை உரிமைகள் உள்ளன. அவை ஐரோப்பிய மனித உரிமைகள் மாநாட்டில் (ஐமஉமா) எடுக்கப்பட்ட அடிப்படை உரிமைகளை அடிப்படையாகக் கொண்டவை. அவை மனித இருப்பைப் பாதுகாக்கின்றன, உதாரணமாக வாழ்வதற்கான உரிமை அல்லது அவசரநிலைகளில் உதவுவதற்கான உரிமை. மேலும் அவை தனி நபரை அரசு வன்முறையிலிருந்தும் அல்லது குழுக்களை பெரும்பான்மையினரிடமிருந்தும் பாதுகாக்கின்றன. அவை பிற நபரின் தோற்றம் இனம் மதம் பாலினம் அல்லது பாலியல் நோக்க நிலை ஆகியவற்றின் காரணமாக யாரும் அவர்களுக்கு எதிராக பாகுபாடு காட்ட மாட்டார்கள் என்ற உத்தரவாதம் அளிக்கும் நோக்கம் கொண்டவை. இனரீதியாக பாகுபாடு காட்டப்படும் மக்கள் Basel-Stadt மாநிலத்தில் இலவச ஆதரவையும் ஆலோசனையையும் பெறலாம். சுவிட்சர்லாந்தில் மத சுதந்திரம், கருத்துச் சுதந்திரம் மற்றும் பத்திரிகைச் சுதந்திரம் உள்ளன.